COCO FULL MOVIE REVIEW IN HINDI

Doston kya aapko animation movie dekhna pasand hai. Kya aapko bhi animation ki duniya me kho jana pasand hai agar ha to friends aaj hum aapke leke aaya hai ek kamaal ki animation movie jiska naam hai COCO.

Doston iss movie ko 2017 me release kiya hai tha aur yeh uss saal ki Pixar company ki ek behtarin animation movie thi jisko direct kiya tha Adrian Molina aur Lee Unkrich ne. COCO movie ko imdb ki taraf se 8.4 ki ek kamaal ki rating di gai hai wahi rotten tomatoes ki taraf se iss movie ko 97% ke like diye gaye hai. 

Iss movie ko 2018 me 11 bade award ke liye nominate kiya hai gaya tha jisme 9 award iss movie ne apne naam kiye the jisme 2 Oscar award bhi shamil hai. Iss baat se aap andaaza laga sakte hai ki movie ka animation aur iss movie ki story sub kuch kitne kamaal ka hoga.


Aapka bahot bahot swagat hai Aapke apne Blog  FILMY REVIEW DUNIYA me. Toh chaliye  ek nazar daalte hai iski kahaani par. 

Doston aapne suna hoga ki sapne dekho aur usko pura karne ke liye jee jaan se mehnat bhi karo Jab tak kaamyab naa ho jao tab tak usey pura karne ki har mumkin kosis karo lekin sapno ke sath humari zindgi me humare apno yaani ki humare parivar ka kya mahtv hota hai agar aap yeh movie dekhenge toh jarur sikh jayenge. 

Doston yeh kahaani hai ek 12 saal ke bache ki jiska naam hai Miguel. Jiska sapna ek musician banane ka hai jo duniya me famous hona chahta hai. Har taraf log usi ke geet gaye aur gungunaye aisa khubsurat sapna hai Miguel ka.  Lekin issi music ki wajah se Miguel ke par Dada ghar chhodkar chale gaye the issliye Miguel ke parivar wale Miguel ko music se humesha dur rakhte hai. Woh Miguel ko music sunane tak nahi dete. Yahi nahi unka pura parivar music se nafrat karta hai. 

Music ki wajah se jo unhone pareshaniya jheli Miguel ke par Dada ke jaane ke baad aisa phir na ho.  Aise parivar me jaha har koi music se nafrat karta hai aise parivar me Miguel ka sapna hai musician banane ka kya Miguel iss sapne ko pura kar pata hai iske liye aapko movie dekhni padegi. Vaise toh iski kahaani ko Sunkar aapko aisa lagega ki yeh kahaani ek baache ke struggle ko dikhaye gi. Lekin aisa nahi hai yeh movie apne sath aapko ek aise kamaal ke safer lekar chalti hai jisme family kya hoti hai rishtey kya hote hai aur bounding kya hoti Hai inko itni khubsurti se dikhaya gaya hai ki aap emotional ho jayenge aur ho sakta hai aapki aankhein bhi bhar aaye.

Mexican culture me ek festival hota hai uss din har koi apne parivar ke sath  Millar apne purvajo ko yaad karte hai. Unki tasvir, unke pasandida chijo ko unke kabra  ke pass rakh kar unke dwara kiye gaye mahaan kaamo ko yaad karte hai.  Aur iss culture ko iss movie me itni khubsurati se dikhaya gaya hai ki aap google par Jakar iss culture ke bare me jarur search karenge.  Jaha humare desh me srad aur pitron  ki shanti ko andh shradha ke taur par dekha jata hai wahi iss movie Mexican culture ko bahot hi behtarin tarike se dikhaya gaya hai jo mujhey lagta hai unke liye bahot samman  ki baat hogi. Issi festival me Miguel ke sath ek aisa haadsa hota hai ki waha par aaye hue saare spirit yaani ki aatmaye Miguel ko dikhai dene lagti hai aur woh log bhi Miguel ko dekh pate hai. Aur inhi sprit me Miguel ko uska parivar mile jata hai.

Aur woh log Miguel ko apni duniya me le jate hai. Jiss musician ko Miguel apna ideal maanta tha woh bhi Marr chuke rahete hai phir kya Miguel unn aatmao ki duniya me apne ideal ko  dhundhane lagta hai. Iss movie me aapko ek kamaal ka suspense bhi dekhne ko milege. Doston kya Miguel apne ideal ko unn aatmao ki duniya me dhund pata hai ya nahi. 

Aur movie kaunsa suspense hai aapko yeh dekhne me kaafi maja aayega. Humne aksar dekha hai jo parivar sapno ke bich aate hai unko movie ka villain dikha diya jata hai par yaha taarif karni hogi movie ki story ko jisne parivar aur sapne dono ko samman diya hai. 

Doston yeh movie bacchon  aur bade subko dekhni chahiye kyu ki iss movie me jo message diya gaya hai bacchon aur bado subke liye hai


Doston agar aapko yeh review pasand aaya ho toh video ko like kar de blog ko subscribe kar de milte hai next aise hi kamaal ke video me tab tak liye aap apna khayal rakhe.

UDAAN full Movie Review in Hindi

UDAAN full Movie Review In Hindi

Khule aasmaa me punchiyon ki tarah udana kaun nahi chahta. Aaj bhi humare desh me karodo log yeh sapna roj dekhte hai. Woh bhi khule aasma me ek udaan bharna chahte hai yeh dekhna chahte hai ki duniya aasman se kaisi dikhai deti hai. 

Woh dekhna chahte hai ki punchiyon ki tarah aasman me udana kaisa lagta hai. Woh dekhna chahte hai aazad hona kaisa lagta hai. Lekin unke batuvey ka wajan utna nahi hota jo woh iss sapne ko jee sake. Unke kandho par Jimmedariyon aur mabooriyon ka itna bhari bojh hai ki unki nazar aasma tak pachochti hi nahi. 


Kya ho agar in karodo logo ke sapano me koi aakar jaan daal de. Woh unse aakar kahe jao jee lo apne sapane ko. Woh unse kahe  jao bhar lo apni aazadi ki udaan. Woh unse kahe jao aur dekho aasman se iss duniya ko dekho ki yeh kitni khubsurat hai. 

Doston aaj mai aapke liye ek aise hi suchhey incident pe base movie leke aaya hu jiska naam hai Udaan. Iss movie ko 2020 me release kiya gaya tha.  Iss movie ki story aur direction kiya hai Sudha Kongara Prasad ne. Imdb ki taraf se iss movie ko 9.1 ki ek blockbuster rating di gai hai wahi 96% Google user ne iss movie ko like kiya hai.

Doston aapka bahot bahot swagat hai apke apne Blog FILMY REVIEW DUNIYA me. Toh chaliye aaye badhta hai or baat karte hai.

To Kahaani ek chote se gaon me rahene wale ek common man ki hai jiska naam maara hai jo apni khud ki ek airline company kholna chahta hai. Uske liye ek normal  gaon ke  insaan ko kitni musibaton ka saamne karna padta hai movie me isko bahot hi achi tarike se dikhaya gaya hai.


Udaan Movie bahot hi motivating bhi hai. Movie ke kuch plot jinko flash back me rakha gaya woh toh itne emotional hai ki usko dekhte waqt aapki aankhein bhar aayengi. movie me airline company ko open karne ki wajah bhi kaafi emotional rakhi gai hai jo aapko kaafi pasand aayegi.


Udaan Movie ka screenplay kaafi kamaal ka hai. Movie ke first half me bahot saare incident ko dikhaya gaya hai lekin tarif karni hogi screenplay ki Aapko har seen bahot hi achey se connect kar leta hai. Iss movie ke har ek screen ko bahot soch samjhkar design kiya gaya hai jo aapko kahi par bhi bor nahi karta.


Iss movie ke lead character ko play kiya hai Suriya ne jo iss tarah ke behtarin content ke liye jaane jate hai. Iss movie me Suriya ka performance  kaafi damdar hai jo aapko bahot pasand aayega. phir wow emotional ho, comic ho ya phir angry man ka ho unki acting aapko jarur attract karegi Isi ke sath iss movie Suriya ki wife ka role play kiya hai Aparna Balamurali ne. Jinhone ne apne role ko behtarin tarike se justify kiya hai.


Iss movie me negative kirdaar me aapko nazar aayenge  paresh rawal jinka role jada bada toh nahi hai par unhone apne role achi tarah se nibhaya hai. Movie me supporting character ki bhi acting kaafi kamaal ki hai jo aapko bahot pasand aayegi

Doston iss movie ki kahaani captain gopinath se inspired hai jo Air Deccan ke founder they. Jinhone air safar  ko ek aam aadmi ke liye bail gadi se safar karne se bhi sasta kar diya tha. Koi bhi aam aadmi matra 1 rupaye me air safar kar sakta tha.

Doston yeh movie aapko amazon prime par hindi me dekhne ko mile jayegi isski ke sath doston agar aapko yeh Post pasand aaya ho toh post ko like kar de or blog ko follow karna na bhule sath hi apne doston se jarur share kare.

THANKS  FOR READING  FULL ARTICLE

A QUITE PLACE MOVIE REVIEW IN HINDI

A QUITE PLACE MOVIE REVIEW IN HINDI

Doston kya ho agar kisi mysterious super natural creature ki entry humari duniya me ho jaye. Jaha humari duniya me har taraf shore Gul hota hai .Wahi in creature ko aawaj se nafrat ho aur woh aawaj karne walo ko Chun Chun kar maar rahe ho. socho kaisa hoga woh Manjjar, Jaha humari Saanse bhi aawaj karti hai humare chalne ki bhi aawaj hoti hai. 

Aise waqt me koi inse kaise Bachega. Aawaj karne wali har chij unki dusman hai phir woh insaan ho ya jaanwar. Agar aisa hua toh Kuch hi dino me puri duniya khali khali si ho jayegi. aise wqut me agar kisi insaan ko apni family ko bachana ho toh sochkar dekho woh kya karega. 

Doston aaj mai aapke liye aisi hi kamaal ki horror and thriller movie leke aaya hu jiska naam hai A QUIET PLACE. Iss movie ki khaas baat hai iss movie ki kahani. Jo aapko ek alag hi duniya me le jayegi kuch hi Palo me aap iss movie ko dekhna chhodkar issey jine lagenge. 

Movie me hone wale har incident aapke dimag ko sochne par majboor kar denge ki ab kya hoga. Bas issi sawal ke jawab ko dhundhti hui yeh movie kuch honi aur anhoni incident ke sath aapko leke chalegi ek anokhe safar par. 

Doston iss movie ko 2018 me release kiya gaya tha. imdb ki taraf se iss movie ko  7.5 ki ek kamaal ki rating provide ki hai wahi par rotten tomatoes ne 96% ke like diye hai. 

Baat kare iski story ki toh story ko 2020 ke timeline par rakha gaya hai jaha earth par mysterious super natural creature humla kar dete hai. Aur iss humle me lagbhag puri human population khatam ho jati hai.

Bas kuch hi log apni zindgi ko bachane me kamyab ho pate hai. Iss creature ko kuch dikhai toh nahi deta par yeh Haki se halki aawaj ko sun sakta hai aur yahi reason hai ki earth se har aawaj karne wali chijo ko iss creature ne khatam kar diya hai phir ho insaan ho ya jaanwar.

Iss humle ke 89 days ke baad kahaani ki suruwat ki gai hai. Halaki Yeh humla kaise hua. In betein 89 days me kya hua hai. Yeh creature kaun hai kaha se aaye hai kaise aaye hai yeh kuch bhi iss movie me nahi dikhaya gaya hai.

Lekin phir bhi a quite place movie aapko aasani se connect kar leti hai. Yeh puri movie Abbotte family ko follow karti hai.  Jisme Lee, Evelyn, Regan, Marcus and Beau inn paach logo ko yeh movie follow karti hai.

Creature se bachne ke liye yeh family kya kya tarike istemal karte hai. Silence ko kaise maintain karte hai. isko bahot hi kamaal ke tarike se dikhaya gaya hai jisme choti si choti baat ka dhyan diya gaya hai, aapko kaafi pasand aayega.

Movie ki suruwat se end tak bas isi family ko focus me rakha gaya hai.  Movie sirf 90 minutes hai lekin itne hi Samay me director ne badi hi khubsurat tarike se iss family ke background aur unke bich ke reation ko achi tarah se dikhaya hai .

Movie character ka development itni shandar tarike se kiya hai ki aap thode hi time me innke saare character se relate karne lagte hai unke dard taklif ko apna samjhne lagte hai. Iske liye director ki taarif karni hogi.  Kisi bhi horror movie ki jaan uska  background music hota hai. Lekin iss movie me aap belive nahi karenge ki background ka kam se kam istemal karke movie ko kya behtarin tarike se direct kiya gaya hai

A quite place movie dekhte hue aapko koi aawaj nahi aayegi sub kuch ek dum shant hoga Lekin aapka interest movie ke liye dheere dheere badhta hi jayega. Soch kar dekho jiss movie jara si bhi aawaj na ho koi dialogue na ho uss movie character ne kya gajab ka performance diya hoga.  Doston iss movie me kya Lee aur Evelyn  uss creature se apni family ko bacha paate hai dekhna kaafi interesting hoga aapke liye. Iss movie ki ending aapki dhadhkane bada degi.  

Three  fact jo aapko a quite place movie ke baare me Jaana chahiye ....

FACT 1 - iss movie me Regan ka character Millicent ne play kiya hai jo movie me sun nahi sakti. Aur aapko jaankar hairani hogi ki Woh real life  me bhi kuch sun nahi sakti

FACT 2 - a quite place movie ke lead me jin character ne husband and wife ka role play kiya hai woh real life me husband and  wife hai. 

Fact 3 -  Iss movie ke director hai John Krasinski jinhone iss movie ke lead character ko play kiya hai.


Kamaal ki baat yeh hai ki aapko iss movie ke liye koi paise kharch nahi karna hai. Yeh movie mx player par free me available hai. 

To Umeed Hai Apko ye review Pasand Aaya Hoga to ek baar is movie ko jarur  dekhiyega

Or sath hi aisi hi or Post Ke liye Hame Follow  karle  taki  jab bhi aisi hi or kisi movie ke review hum lekar aaye to Apko iski notification  miss na karde...

Chahiye Milte Hai Agli post me Tab tak ke liye  Apna khayal rahe Dhanyawaad.....